మంచు..మనోహరం

దిశ,మాక్లూర్ : మాక్లూర్ మండల వ్యాప్తంగా శనివారం తీవ్ర మంచు కురిసింది. గతంలో ఎన్నడూ లేని విధంగా ఉదయం నుంచి మంచు కమ్మేసింది. 100 అడుగుల దూరంలో ఉన్న మనిషి కూడా కనిపించనంతగా మంచు పొగ ఆవరించింది. ఈ మంచు సోయగం కనువిందు చేసింది. మరోపక్క వాహనదారులకు ఇబ్బంది కలిగించింది. రహదారి వెంబడి రాకపోకలు సాగించిన వాహనదారులకు తీవ్ర అంతరాయం ఏర్పడింది. ఎదురుగా వస్తున్న వాహనం కనిపించకపోవడంతో ఇబ్బందులు ఎదుర్కొన్నారు. ఉదయం ఎనిమిది గంటలైనా పొగమంచు ప్రభావం తొలగకపోవడంతో విద్యుత్ కాంతుల సహాయంతో రాకపోకలు సాగించారు. ప్రజలకు కొత్త అనుభూతిని కలిగించింది.