రేపు ఢిల్లీకి టీపీసీసీ నూతన అధ్యక్షుడు

దిశ, వెబ్ డెస్క్ : తెలంగాణ పీసీసీ అధ్యక్షునిగా నూతనంగా ఎన్నికైన మహేష్ కుమార్ గౌడ్ రేపు ఢిల్లీకి వెళ్లనున్నారు. తనమీద నమ్మకంతో అత్యంత కీలకమైన అధ్యక్ష పదవి బాధ్యతలు అప్పగించిన ఏఐసీసీ అధిష్టానాన్ని స్వయంగా కలిసి ధన్యవాదాలు తెలపనున్నట్లు సమాచారం. ఇక ఈనెల 16న ముఖ్యమంత్రి రేవంత్ రెడ్డి, డిప్యూటీ సీఎం భట్టి విక్రమార్క, పలువురు మంత్రులు ఏఐసీసీ అధిష్టానంతో జరపనున్న చర్చల్లో టీపీసీసీ అధ్యక్షులు మహేష్ కుమార్ గౌడ్ కూడా పాల్గొననున్నారు. మంత్రివర్గ విస్తరణ, నామినేటెడ్ పదవుల భర్తీ, పీసీసీ కార్యవర్గ సభ్యుల ఎంపిక వంటి విషయాలపై ఏఐసీసీ నేతలు, రాష్ట్ర నేతలతో ఈ సమావేశం జరపనున్నారు.