బీజేపీ తొలి జాబితాలో కొత్త ముఖాలు

దిశ, వెబ్‌డెస్క్: తెలంగాణ బీజేపీ అభ్యర్థుల తొలి జాబితాలో కొత్త ముఖాలే కనిపిస్తున్నాయి. 55 మందితో ఆదివారం ఫస్ట్ లిస్ట్‌ను ప్రకటించగా.. ఇందులో తొలిసారి అసెంబ్లీకి పోటీచేసే నేతలు చాలామంది ఉన్నారు. బీజేపీ నుంచి పోటీలోకి దిగి తమ అదృష్టాన్ని పరీక్షించుకునేందుకు వీరందరూ రెడీ అయ్యారు. ఇక గత ఎన్నికల్లో ఓటమి పాలైన నేతలందరూ మరోసారి పోటీలోకి దిగుతున్నారు. కేంద్రమంత్రి కిషన్ రెడ్డి, రాజ్యసభ ఎంపీ లక్ష్మణ్ ఆ సారి పోటీలోకి దూరంగా ఉండాలని నిర్ణయించుకున్నట్లు తెలుస్తోంది. తొలి జాబితాలో 12 మంది మహిళలకు చోటు దక్కగా.. రెడ్డి సామాజికవర్గం నుంచి 11, ఎస్సీ-8, ఎస్టీ సామాజికవర్గం నుంచి ఆరుగురికి చోటు దక్కింది.