యాదాద్రి ఆలయం పై భద్రతా వైఫల్యం..

దిశ, యాదాద్రి భువనగిరి ప్రతినిధి : సీఎం రేవంత్ రెడ్డి పర్యటన సందర్భంగా యాదగిరి కొండపై భద్రతా వైఫల్యం నెలకొంది. సీఎం రేవంత్ రెడ్డి కొండపైకి చేరుకుని అఖండ దీపారాధన అనంతరం తూర్పు రాజగోపురం ద్వారా లోపలికి వెళ్లే క్రమంలో పార్టీ కార్యకర్తలు ఒకేసారి దూసుకొచ్చారు. దీంతో వారిని అదుపు చేయలేక పోలీసులు తీవ్రంగా ఇబ్బందులు ఎదుర్కొన్నారు. రేవంత్ రెడ్డి, మంత్రులు, ఎమ్మెల్యేలను తూర్పు రాజగోపురం ద్వారా లోపలికి పంపించ క్రమంలో కార్యకర్తలు సైతం లోపలికి వెళ్లేందుకు ప్రయత్నించారు. ఓ దశలో తీవ్ర గందరగోళ పరిస్థితి నెలకొన్న నేపథ్యంలో పోలీసులు బలవంతంగా నెట్టేసి తూర్పు రాజగోపురం వద్ద ద్వారబంధనం చేశారు.