యాదాద్రి భువనగిరి జిల్లాలో భారీ ఎత్తున ప్రొహిబిటెడ్ కెమికల్స్ స్వాధీనం ?

దిశ, యాదాద్రి భువనగిరి ప్రతినిధి : యాదాద్రి భువనగిరి జిల్లాలో పెద్దఎత్తున నిషేధించిన కెమికల్స్ ను భువనగిరి జోన్ పోలీసులు స్వాధీనం చేసుకున్నట్లు సమాచారం. ప్రభుత్వం నిషేధించిన ఒక రకమైన కెమికల్‌ ను యాదగిరిగుట్ట మండలంలో పెద్దఎత్తున తయారుచేసి హైదరాబాద్ వైపు వెళుతుండగా అత్యంత విశ్వసనీయ సమాచారం ప్రకారం సోమవారం రాత్రి బీబీనగర్ టోల్గేట్ వద్ద పోలీసులు స్వాధీనం చేసుకున్నట్లు తెలుస్తోంది. ఈ నిషేధించిన కెమికల్ ను యాదగిరిగుట్ట మండల పరిధిలోని పరిశ్రమలో తయారు చేసినట్లు సమాచారం. పోలీసులు స్వాధీనం చేసుకున్న ఈ కెమికల్ విలువ కొన్ని కోట్లలో ఉన్నట్లు తెలుస్తుంది. దీనికి సంబంధించిన పూర్తి వివరాలు తెలియాల్సి ఉంది.