అన్నదానం.. మహా ప్రసాదం : ఎమ్మెల్యే బత్తుల

దిశ, మిర్యాలగూడ : ఆలయాలలో నిర్వహించే అన్నదానం మహా ప్రసాదం లాంటిదని ఎమ్మెల్యే బత్తుల లక్ష్మారెడ్డి అన్నారు. బుధవారం మిర్యాలగూడ పట్టణంలోని అయ్యప్ప స్వామి దేవాలయంలో అన్నప్రసాద వితరణ కార్యక్రమాన్ని ప్రారంభించారు. అంతకుముందు కుటుంబ సమేతంగా ఆలయంలో ప్రత్యేక పూజలు నిర్వహించారు. ఈ సందర్భంగా ఆయన మాట్లాడుతూ… గత కొంతకాలంగా అయ్యప్ప స్వామి దీక్షాపరులకు అన్నదాన కార్యక్రమం నిర్వహిస్తున్నామని, ఈ ఏడాది కొంత ఆలస్యం జరిగినప్పటికీ కార్యక్రమాన్ని కొందరి దాతల సహకారంతో నిర్వహిస్తున్నట్లు తెలిపారు. అయ్యప్ప, ఆంజనేయ, శివ మాలలు ధరించిన భక్తులు సమన్వయంతో అన్నదాన కార్యక్రమాన్ని విజయవంతం చేయాలని సూచించారు. ఈ కార్యక్రమంలో ఆలయ కమిటీ చైర్మన్ ముక్కాపాటి వెంకటేశ్వరరావు, గుడిపాటి నవీన్, బండారు కుశలయ్య, స్కైలాబ్ నాయక్, గాయం ఉపేందర్ రెడ్డి, పొదిల్ల శ్రీనివాస్, తరికొప్పుల సైదులు, నూకల వేణుగోపాల్ రెడ్డి, దేశిరెడ్డి శేఖర్ రెడ్డి, ముదిరెడ్డి సుధాకర్ రెడ్డి, పెద్ది శ్రీనివాస్ గౌడ్, అమృతా రెడ్డి, పిల్లల సందీప్ తదితరులు పాల్గొన్నారు.