అలా అడగడంతో ఓ వ్యక్తిపై..శివాంగిలా శివమెత్తిన యువతి..

దిశ, కొండమల్లేపల్లి : కొండమల్లేపల్లి పట్టణంలో రెండు రోజుల క్రితం యువతి ఓ వ్యక్తిని దేహశుద్ధి చేసిన వీడియో వైరల్ గా మారింది. హైదరాబాద్ రోడ్డులోని ఎస్బిఐ బ్యాంక్ ఎదురుగా ఇడ్లీ బండి నిర్వహిస్తున్న నిర్వాహకులు తమ పనిలో ఉండగా..ఓ వ్యక్తి మహిళను ఫోన్ నెంబర్లు అడుగుతూ అసభ్యంగా ప్రవర్తించడంతో సహనం కోల్పోయిన సదరు యువతి ఆ వ్యక్తిని కాలర్ పట్టుకొని దేహశుద్ధి చేసింది .ఈ వీడియోను కొంతమంది వాట్స్అప్ గ్రూపులలో షేర్ చేయడంతో వైరల్ గా మారింది. తప్పు చేసిన వ్యక్తిని పట్టుకొని తాట తీయడంతో నేటిజెన్లు ఆ అమ్మాయి సాహసానికి అభినందనలు తెలిపారు. ఈ విషయమై సోమవారం కొండమల్లేపల్లి ఎస్సైని వివరణ కోరగా..యువతి కొండమల్లేపల్లి పోలీస్ స్టేషన్లో ఫిర్యాదు చేయడంతో కేసు నమోదు చేసినట్టు ఎస్సై ముత్యాల రామ్మూర్తి పేర్కొన్నారు.