BRS MLA: సీఎం రేవంత్‌ రెడ్డిపై ఎమ్మెల్సీ ఫిర్యాదు

దిశ, వెబ్‌డెస్క్: ఖమ్మం(Khammam) జిల్లా కేంద్రంలోని టూటౌన్ పీఎస్‌లో సీఎం రేవంత్ రెడ్డి(CM Revanth Reddy)పై బీఆర్ఎస్ నేతలు కంప్లైంట్ చేశారు. బీఆర్ఎస్ అధినేత, మాజీ సీఎం కేసీఆర్‌(KCR)పై అనుచిత వ్యాఖ్యలు చేశారని ఎమ్మెల్సీ తాతా మధు(MLC Tatha Madhu) పార్టీ కార్యకర్తలతో కలిసి ఫిర్యాదు చేశారు. అనంతరం ఆయన మీడియాతో మాట్లాడారు. సీఎం రేవంత్ రెడ్డి తన స్థాయి మరిచి మాట్లాడుతున్నారని అన్నారు. పరిపాలన చేతకాక వ్యక్తిగత దూషణలు చేస్తున్నారని మండిపడ్డారు. కాంగ్రెస్‌ ప్రభుత్వం(Congress Govt) ఇస్తామన్న మద్దతు ధర ప్రకటనలకే పరిమితమైందని విమర్శించారు. ఇచ్చిన హామీల నుంచి ప్రజల దృష్టిని మరల్చేందుకు సీఎం సహా మంత్రులంతా బీఆర్ఎస్‌ను టార్గెట్ చేసి విమర్శలు చేస్తున్నారని అన్నారు.