MLC Mahender Reddy: నేడు మండలి చీఫ్ విప్‌గా బాధ్యతలు చేపట్టనున్న మహేందర్‌ రెడ్డి

దిశ, వెబ్‌డెస్క్: తెలంగాణ శాసన‌మండలి (Telangana Legislative Council) చీఫ్ విప్‌గా మాజీ మంత్రి, రంగారెడ్డి జిల్లా స్థానిక సంస్థల ఎమ్మెల్సీ పట్నం మహేందర్ రెడ్డి (Patnam Mahender Reddy)ని నియమిస్తున్నట్లు అక్టోబర్ 4న సీఎం రేవంత్‌రెడ్డి (CM Revanth Reddy) ప్రకటించారు. ఈ మేరకు రాష్ట్ర ప్రభుత్వం (State Government) అందుకు సంబంధించి ఉత్తర్వులను కూడా జారీ చేసింది. దీంతో ఎమ్మెల్సీ మహేందర్ రెడ్డి ఇవాళ ఉదయం 10.30కి శాసనమండలిలోని తన ఛాంబర్‌లో చీఫ్ విప్‌గా బాధ్యతలు స్వీకరించనున్నారు. ఈ కార్యక్రమానికి ఉమ్మడి రంగారెడ్డి జిల్లాకు చెందిన ఎమ్మెల్యేలు, ముఖ్య నాయకులు హాజరు కానున్నట్లుగా తెలుస్తోంది. సీఎం ఆదేశాల మేరకు ప్రోటోకాల్ (Protocol) అధికారులు మండలి చీఫ్ విప్ మహేందర్‌ రెడ్డికి పైలెట్‌, ఎస్కార్ట్‌ వాహనాలను కూడా కేటాయించారు.