పుంజాల్ మైదానంలో బతుకమ్మ వేడుకలు.. పాల్గొననున్న MLC కవిత
మహారాష్ట్రంలోని సోలాపూర్‌లో ఆదివారం జరగనున్న బతుకమ్మ సంబురాలకు ఎమ్మెల్సీ కల్వకుంట్ల కవిత హాజరుకానున్నారు. నగరంలోని పుంజాల్ మైదాన్‌లో జరిగే బతుకమ్మ పండుగ ఉత్సవంలో పెద్ద ఎత్తున పాల్గొననున్న ప్రవాస తెలంగాణ ఆడబిడ్డలతో కలిసి కవిత పాల్గొంటారు.
దిశ, తెలంగాణ బ్యూరో: మహారాష్ట్రంలోని సోలాపూర్‌లో ఆదివారం జరగనున్న బతుకమ్మ సంబురాలకు ఎమ్మెల్సీ కల్వకుంట్ల కవిత హాజరుకానున్నారు. నగరంలోని పుంజాల్ మైదాన్‌లో జరిగే బతుకమ్మ పండుగ ఉత్సవంలో పెద్ద ఎత్తున పాల్గొననున్న ప్రవాస తెలంగాణ ఆడబిడ్డలతో కలిసి కవిత పాల్గొంటారు. నగరంలోని దత్తవాడ నుంచి సాయంత్రం 5 గంటలకు ప్రారంభమయ్యే బతుకమ్మ శోభయాత్రలో పాల్గొని, 6 గంటలకు అక్కల్ కోట్ రోడ్‌లోని పుంజాల్ మైదాన్‌కు చేరుకొని బతుకమ్మ సంబురంలో పాల్గొంటారు. బతుకమ్మ సంబురాలకు అన్ని ఏర్పాట్లు చేసినట్లు బీఆర్ఎస్ నాయకులు నాగేష్ వల్యాల్, దశరథ్ గోప్ తెలిపారు.