Breaking News : బీఆర్ఎస్ ఎమ్మెల్సీకి తృటిలో తప్పిన ప్రమాదం

దిశ, వెబ్ డెస్క్ : బీఆర్ఎస్ ఎమ్మెల్సీ న‌వీన్ కుమార్ రెడ్డి(BRS MLC Naveen Kumar Reddy)కి తృటిలో ప్రమాదం త‌ప్పింది. న‌వీన్ కుమార్ రెడ్డి మ‌హ‌బూబ్ న‌గ‌ర్ నుంచి హైద‌రాబాద్‌కు గురువారం మ‌ధ్యాహ్నం త‌న కారు ప్రయాణిస్తుండ‌గా.. షాద్‌న‌గ‌ర్ మిలినీయం టౌన్ షిప్ వ‌ద్ద స‌డెన్‌గా ఓ ద్విచ‌క్ర వాహ‌నం అడ్డుగా వ‌చ్చింది. డ్రైవ‌ర్ స‌డెన్‌గా బ్రేక్ వేసినప్పటికీ.. కారు బైక్ ను ఢీకొనగా, బైక్‌పై ఉన్న వ్యక్తికి గాయాల‌య్యాయి. ఈ ప్రమాదంలో ఎమ్మెల్సీ న‌వీన్ కుమార్ రెడ్డికి ఎలాంటి గాయాలు కాలేదు. స‌మాచారం అందుకున్న పోలీసులు ఘ‌ట‌నా స్థలానికి చేరుకున్నారు. ఇక గాయ‌ప‌డిన వ్యక్తిని త‌న కారులోనే ఎమ్మెల్సీ న‌వీన్ స‌మీప ఆస్పత్రికి త‌ర‌లించారు. బాధితుడికి మెరుగైన వైద్యం అందించాల‌ని న‌వీన్ కుమార్ వైద్యుల‌ను ఆదేశించారు.