తాను పాలమ్మిన స్కూటర్‌పై మంత్రి మల్లారెడ్డి చక్కర్లు.. షాక్ అయిన జనం

దిశ, వెబ్‌డెస్క్: మంత్రి మల్లారెడ్డి ఎప్పుడూ సెంటర్ ఆఫ్ అట్రాక్షన్‌గా నిలుస్తూ ఉంటారు. ఎక్కడైనా సరే తన సందడితో అందరినీ ఆకర్షిస్తూ ఉంటారు. ఏ కార్యక్రమంలోనైనా వినూత్నంగా కనిపిస్తూ ప్రజలు, పార్టీ శ్రేణులను అలరిస్తూ ఉంటారు. తన విచిత్ర మాటలు, పనులతో మీడియాలో ఎక్కుతూ ఉంటారు. తాజాగా మరోసారి మల్లారెడ్డి తన వినూత్నతను చాటుకుని ప్రజలను ఆశ్చర్యపరిచారు,.

దసరా పండుగ సందర్బంగా బోయినపల్లిలో మంత్రి మల్లారెడ్డి ఆయుధపూజ నిర్వహించారు. ఈ సందర్భంగా 40 ఏళ్ల క్రితం ఆయన యువకుడిగా ఉన్న సమయంలో వాడిన పాత స్కూటర్‌కు బయటకు తీసుకొచ్చి పూజలు నిర్వహించారు. అనంతరం ఈ స్కూటర్‌ డ్రైవ్ చేసుకుంటూ కాసేపు రోడ్లపై చక్కర్లు కొట్టారు. మల్లారెడ్డి స్కూటర్ నడపటంతో కార్యకర్తలు, ప్రజలు ఆసక్తిగా చూశారు. అయితే మల్లారెడ్డి యుక్త వయస్సులో ఈ స్కూటర్‌ ఉపయోగించుకుని పాలు అమ్మారు. దానికి గుర్తుగా పాత స్కూటర్‌ను తన దగ్గరే ఉంచుకున్నారు.