అప్పుడే అయిపోలే.. చంద్రబాబు వయస్సుపై మంత్రి కేటీఆర్ కీలక వ్యాఖ్యలు
టీడీపీ అధినేత, ఏపీ మాజీ సీఎం చంద్రబాబు వయస్సుపై మంత్రి కేటీఆర్ కీలక వ్యాఖ్యలు చేశారు. సోమవారం ఆయన ఓ టీవీ చానెల్ డిబేట్‌లో మాట్లాడుతూ.. చంద్రబాబుకు అప్పుడు
దిశ, వెబ్‌డెస్క్: టీడీపీ అధినేత, ఏపీ మాజీ సీఎం చంద్రబాబు వయస్సుపై మంత్రి కేటీఆర్ కీలక వ్యాఖ్యలు చేశారు. సోమవారం ఆయన ఓ టీవీ చానెల్ డిబేట్‌లో మాట్లాడుతూ.. చంద్రబాబుకు అప్పుడు వయస్సు అయిపోలేదు, ఆయనది ప్రధాని మోడీ కంటే చిన్న వయస్సు అని అన్నారు. చంద్రబాబుకు మరో పది పదిహేనేళ్లు రాజకీయం చేసే సత్తా ఉందని అభిప్రాయపడ్డారు. రాష్ట్రంలో శాంతి భద్రతలు, ఆందోళనల నేపథ్యంలోనే చంద్రబాబు అరెస్ట్‌పై అది పక్కా రాష్ట్ర వ్యవహారమని వ్యాఖ్యానించానని చెప్పారు.
కానీ చంద్రబాబు అరెస్ట్‌పై తన చేసిన కామెంట్స్ జనంలోకి తప్పుగా వెళ్లయన్నారు. చంద్రబాబు అరెస్ట్ విషయంలో నేను చెప్పిన పద్దతులు బాగాలేవేమో ఒప్పుకుంటా.. కానీ చంద్రబాబు అంటే తనకు గౌరవం ఉందన్నారు. చంద్రబాబు అరెస్ట్ విషయంలో ఆయన కొడుకు లోకేష్ ఆవేదనను అర్థం చేసుకున్నానన్నారు. చంద్రబాబు, లోకేష్, జగన్, పవన్ కల్యాణ్ అందరితో రెగ్యులర్‌గా టచ్‌లో ఉంటానని చెప్పారు. లోకేష్, చంద్రబాబు విషయంలో మాకు సోదరభావం ఉందన్నారు.
లోకేష్ నేను రెగ్యులర్‌గా టచ్‌లో ఉంటామని, ఇటీవల ఆర్మూర్‌లో ప్రచార వాహనం నుండి తాను పడబోతే.. ఆ సమయంలో కూడా లోకేష్ నాకు ఫోన్ చేశారని తెలిపారు. చంద్రబాబు విషయంలో తాను మాట్లాడింది తప్పు అయితే.. లోకేష్ మేసేజ్ చేసి ఉండేవారు కాదన్నారు. తమ మధ్య ఎలాంటి విభేదాలు లేవని కేటీఆర్ స్పష్టం చేశారు. ఏపీ రాజకీయాలపై తనకు ఆసక్తి లేదని తేల్చి చెప్పారు.
Read More..
పోస్టల్ శాఖలో పోస్ట్‌మ్యాన్, MTS, మెయిల్ గార్డ్ తదితర 1899 ఉద్యోగాలు