ఎన్నికల వేళ యువతకు మెగాస్టార్ చిరంజీవి కీలక మేసేజ్

దిశ, వెబ్‌డెస్క్: ఎన్నికల వేళ ఓటర్లకు మెగాస్టార్ చిరంజీవి కీలక మేసేజ్ ఇచ్చారు. ప్రజాస్వామ్యంలో వజ్రాయుధమైన ఓటును యువత సద్వినియోగం చేసుకోవాలని పిలుపునిచ్చారు. స్టేట్, సెంట్రల్‌లో సరైన ప్రభుత్వాలు వస్తేనే ఆశించిన అభివృద్ధి జరుగుతుందని పేర్కొన్నారు. ఓటు హక్కు వినియోగించుకోవడం మన బాధ్యత అని, ప్రతి ఒక్కరూ తప్పని సరిగా ఓటు హక్కును ఉపయోగించుకోవాలన్నారు. కాగా, తెలంగాణలో లోక్ సభ ఎన్నికల పోలింగ్ ప్రారంభమైంది. సోమవారం ఉదయం 7 గంటలకు పోలింగ్ మొదలు కాగా, చిరంజీవి తన ఓటు హక్కును వినియోగించుకున్నారు.

హైదరాబాద్ జూబ్లీక్లబ్‌లో చిరంజీవి దంపతులు ఓటు వేశారు. అనంతరం మెగాస్టార్ మీడియాతో మాట్లాడుతూ పై కామెంట్స్ చేశారు. ఇక, తెలంగాణలో లోక్ సభ ఎన్నికల పోలింగ్ ప్రక్రియ కొనసాగుతోంది. పలువురు సినీ, రాజకీయ, క్రీడా ప్రముఖులు ఓటు హక్కును వినియోగించుకుంటున్నారు. ఇప్పటికే ఎన్టీఆర్, వెంకయ్యనాయుడు, అల్లు అర్జున్ వంటి ప్రముఖులు ఓటు వేశారు.