గత పాలకులకు విజన్ లేదు : కార్పొరేటర్ శాంతి సాయిజన్ శేఖర్

దిశ, నాచారం : ఉమ్మడి రాష్ట్రంలో గత పాలకులకు విజన్ లేకపోవడం వల్లే పరిపాలన, అభివృద్ధి, సంక్షేమాలు కుంటుపడ్డాయని, సీఎం కేసీఆర్ వచ్చాక ప్రగతి పరుగులు పెడుతుందని నాచారం డివిజన్ కార్పొరేటర్, జీహెచ్ఎంసీ స్టాండింగ్ కమిటీ మెంబర్ శాంతి సాయిజన్ శేఖర్ అన్నారు. శనివారం ఎన్నికల ప్రచారంలో భాగంగా హనుమాన్ నగర్, బాబా నగర్, సావర్కర్ నగర్ లలో గడపగడపకు ఎన్నికల ప్రచారం నిర్వహిస్తూ ఉప్పల్ నియోజకవర్గం బీఆర్ఎస్ ఎమ్మెల్యే అభ్యర్థి బండారి లక్ష్మారెడ్డిని అధిక మెజారిటీ గెలిపించాలని విజ్ఞప్తి చేశారు.

ప్రచారంలో పెద్దసంఖ్యలో ప్రజలు మంగళ హారతులతో స్వాగతం పలికి ఆశీర్వదించారు. నాచారం డివిజన్లో తెలంగాణ ప్రభుత్వం వచ్చాక చేసిన అభివృద్ధి పనులను ప్రతిఒక్కరూ గుర్తు పెట్టుకుంటున్నారని కార్పోరేటర్ తెలిపారు. ప్రచారంలో భాగంగా దృష్టికి వచ్చిన సమస్యలను అధికారుల దృష్టికి ఎప్పటికప్పుడే తీసుకువెళ్లి సమస్యలను పరిష్కరించమని అధికారులకు సూచించారు. ఈ కార్యక్రమంలో బీఆర్ఎస్ నాయకులు, కార్యకర్తలు అధిక సంఖ్యలో పాల్గొన్నారు.