నాచారంలో హీరో బాలకృష్ణ సందడి

దిశ,ఉప్పల్ : నాచారంలో హీరో బాలకృష్ణ గురువారం సందడి చేశారు. నాచారంలో నూతనంగా ఏర్పాటు చేసిన ఓ మార్ట్ ప్రారంభోత్సవానికి ముఖ్య అతిథిగా హాజరై రిబ్బన్ కట్ చేసి ప్రారంభించాడు. బాలకృష్ణ రాకతో ఆయన అభిమానులు తరలివచ్చారు. జై జై బాలయ్య అంటూ నినాదాలు చేశారు. అనంతరం ఆయన చేతుల మీదుగా నలుగురు ఎంబీబీఎస్ విద్యార్థులకు చెక్కులు పంపిణీ చేశారు.

    ఉప్పల్ ఎమ్మెల్యే బండారి లక్ష్మారెడ్డి ఎంబీబీఎస్ సీటు సాధించిన వారికి ఫీజు చెల్లించడం నిజంగా అభినందనీయం అని బాలకృష్ణ అన్నారు. ఈ కార్యక్రమంలో నాచారం డివిజన్ కార్పొరేటర్ శాంతి సాయి జెన్ శేఖర్, మల్లాపూర్ డివిజన్ కార్పొరేటర్ దేవేందర్ రెడ్డి, బీఆర్ఎస్ పార్టీ రాష్ట్ర నాయకులు ప్రవీణ్ ముదిరాజ్ తదితరులు పాల్గొన్నారు.