రైల్వే ప్రాజెక్టులు పూర్తి చేయండి

దిశ,మేడ్చల్ బ్యూరో : రైల్వే ప్రాజెక్టులను త్వరితగతిన పూర్తి చేయాలని మల్కాజిగిరి ఎంపీ ఈటల రాజేందర్ అన్నారు. బుధవారం ఢిల్లీలో కేంద్ర రైల్వే మంత్రి అశ్విని వైష్ణవ్ ని ఈటల రాజేందర్ కలిసి పలు వినతి పత్రాలను అందజేశారు. మల్కాజిగిరి పార్లమెంటు నియోజకవర్గంలో పలు ఆర్వోబీ, ఆర్ యూబీ పనుల కోసం విజ్ఞప్తి చేశారు. హుజురాబాద్ నియోజకవర్గంలో పెండింగ్ లో ఉన్న రైల్వే పనులను పూర్తి చేయాలని కోరారు. మేడ్చల్ రైల్వే స్టేషన్లో పలు రైళ్లను నిలుపుదల చేయాలని కోరారు. కరోనా సమయంలో విలేకరులకు నిలిపివేసిన పాసులు పునరుద్ధరించాలని కోరారు. వినతి పత్రాలపై రైల్వే మంత్రి సానుకూలంగా స్పందించారని ఈటల రాజేందర్ తెలిపారు.