సంక్రాంతి పండుగ తరువాత థీమ్ పార్కు ప్రారంభం

దిశ , కాప్రా : కాప్రా సర్కిల్ మల్లాపూర్ డివిజన్ పరిధిలో అత్యాధునిక హంగులతో, ఆహ్లాదమైన థీమ్ పార్కులో జరుగుతున్న అభివృద్ధి పనులను శనివారం ఎమ్మెల్యే బండారి లక్ష్మారెడ్డి , స్థానిక కార్పొరేటర్ పన్నాల దేవేందర్ రెడ్డితో కలిసి పరిశీలించారు. ఈ సందర్భంగా ఎమ్మెల్యే మాట్లాడుతూ వచ్చే సంక్రాంతి పండుగ తరువాత థీమ్ పార్కును ప్రారంభించేందుకు ఏర్పాట్లు చేస్తున్నట్లు తెలిపారు.

    సుమారు నాలుగు కోట్లతో ఇక్కడి థీమ్ పార్కు నియోజకవర్గంలో అత్యంత సుందరంగా పూర్తి చేసి ప్రజలకు అందుబాటులోకి తీసుకుని రావాలని అధికారులను ఆదేశించారు. కార్యక్రమంలో మున్సిపల్ ఇంజినీరింగ్ అధికారి, ఏఈ శ్రవంతి, స్థానిక నాయకులు తండా వాసుగౌడ్, ఫైళ్ల ప్రవీణ్, పద్మరెడ్డి, దయాకర్ రెడ్డి, బుసాని రఘు, ప్రభాకర్ రెడ్డి, నర్సింగ్ రావు, శీలం ప్రవీణ్, రఘు పాల్గొన్నారు.