దిశ, నర్సాపూర్: టిప్పర్, ఆటో ఢీకొని ఓ వివాహిత మహిళ మృతి చెందగా.. నలుగురుకి తీవ్ర గాయాలైన ఘటన నర్సాపూర్ సమీపంలోని జాతీయ రోడ్డుపై జరిగింది. పోలీసుల వివరాల ప్రకారం.. నర్సాపూర్ నుంచి మెదక్ వైపు వెళ్తున్న టిప్పర్, ప్రయాణికులతో నర్సాపూర్ వైపు వస్తున్న ఆటో గురుకుల పాఠశాల సమీపంలోకి రాగానే ఢీకొన్నాయి. ఈ ప్రమాదంలో జగ్గయ తండాకు చెందిన విజయ (31) మృతి చెందగా.. కౌడిపల్లి మండలం వెంకట్రావు పేట, మూత్రాజిపల్లి గ్రామాలకు చెందిన వడ్ల విజయ, కోడిగుడ్ల లచ్చిమి, దీక్షిత్‌లకు గాయాలయ్యాయి. విషయం తెలుసుకున్న పోలీసులు ఘటనా స్థలానికి చేరుకుని క్షతగాత్రులను నర్సాపూర్ ప్రభుత్వ ఆసుపత్రికి తరలించారు. కేసు నమోదు చేసుకుని దర్యాప్తు చేస్తున్నట్లు ఎస్సై గంగరాజు తెలిపారు.