మున్సిపల్ అభివృద్ధికి చర్యలు.. మున్సిపల్ చైర్ పర్సన్..

దిశ, జిన్నారం : మున్సిపల్ అభివృద్ధికి ప్రత్యేక చర్యలు తీసుకుంటున్నట్లు బొల్లారం మున్సిపల్ చైర్ పర్సన్ రోజా రాణి తెలిపారు. జిన్నారం మండలంలోని బొల్లారం మున్సిపల్ పరిధిలో గల 12వ వార్డులో సీసీ రోడ్డు నిర్మాణ పనులను శనివారం రోజారాణి ప్రారంభించారు. అనంతరం ఆమె మాట్లాడుతూ మున్సిపల్ పరిధిలోని అన్ని కాలనీలను పూర్తిస్థాయిలో అభివృద్ధి చేసేలా నిధులు కేటాయిస్తున్నామని తెలిపారు. మున్సిపల్ అభివృద్ధిలో ప్రతి ఒక్కరు భాగస్వామి కావాలని సూచించారు. కౌన్సిలర్ బాలమణి, నాయకులు రత్నం, యాదగిరి, వీరేశం, మున్సిపల్ సిబ్బంది పాల్గొన్నారు.