కల్యాణ లక్ష్మి చెక్కుల పంపిణీ కార్యక్రమంలో రసాభాస

దిశ, హత్నూర : కళ్యాణ లక్ష్మి, షాదీ ముబారక్ చెక్కులను గురువారం స్థానిక రైతు వేదిక భవనంలో పంపిణీ చేశారు. చెక్కులు పంపిణీ చేస్తున్న క్రమంలో పదవిలో లేకున్నా బీఆర్​ఎస్​ నాయకులు స్టేజీ పైన కూర్చున్నారు. దీంతో భాజపా నాయకులు మెదక్ ఎంపీ రఘునందన్ రావు కు, కాంగ్రెస్ నాయకులకు సమాచారం ఇవ్వలేదని అధికారులను నిలదీశారు.

    నర్సాపూర్ నియోజకవర్గంలో అధికారంలో లేని ప్రజాప్రతినిధులు స్టేజీపైన కూర్చోవడం ఆనవాయితీగా మారిందని అన్నారు. పోలీసులకు సమాచారం అందడంతో అక్కడికి చేరుకొని స్టేజీపైన ఉన్న బీఆర్​ఎస్​ నాయకులను కిందికి పంపించారు . ఎమ్మెల్యే సునీత రెడ్డి మాట్లాడుతున్నా మూడు పార్టీల వారు ఎవరికివారుగా నినాదాలు చేయడంతో గందరగోళం మధ్యనే చెక్కుల పంపిణీ కొనసాగించారు. ఈ కార్యక్రమంలో తహసీల్దార్ పర్వీన్ షేక్, ఎంపీడీవో శంకర్, వివిధ గ్రామాల లబ్ధిదారులు , మాజీ ప్రజా ప్రతినిధులు పాల్గొన్నారు.