పుస్తెలతాడు అపహరించిన గుర్తు తెలియని వ్యక్తి

దిశ, మిరుదొడ్డి: గుర్తు తెలియని వ్యక్తి మహిళ మెడ నుంచి పుస్తెలతాడు అపహరించిన ఘటన సిద్దిపేట జిల్లా అక్బర్ పేట భూంపల్లి పోలీస్ స్టేషన్ పరిధిలో చోటుచేసుకుంది. పోలీసులు తెలిపిన వివరాల ప్రకారం ఎలాగుర్తి గ్రామానికి చెందిన కోయేడ యాదమ్మ గత మూడు నెలలుగా గ్రామ శివారులోని ఎల్లమ్మ గుడి వద్ద కల్లు విక్రయిస్తూ ఉండగా గురువారం ఒక గుర్తు తెలియని వ్యక్తి ద్విచక్రవాహనంపై వచ్చి కల్లు తాగి తిరిగి వెళ్తుండగా తన మెడలో ఉన్న రెండున్నర తులాల బంగారు పూసల తాడు అపహరించినట్లు తెలిపారు. బాధితురాలి ఫిర్యాదు మేరకు కేసు నమోదు చేసి, సీసీటీవీ ఫుటేజ్‌ల ఆధారంతో దర్యాప్తు చేస్తున్నట్లు ఎస్సై భువనేశ్వర్ తెలిపారు.