Municipal Commissioner Ashrit Kumar : పుట్‌పాత్‌లు ఆక్రమిస్తే చర్యలు తప్పవు

దిశ, సిద్దిపేట అర్బన్ : ఫుట్ పాత్ లు కేవలం పాదాచారుల కొరకు నిర్మించడం జరిగిందని వాటిని ఎవరైనా ఆక్రమిస్తే చర్యలు తప్పవని మున్సిపల్ కమిషనర్ ఆశ్రిత్ కుమార్ అన్నారు. రోడ్డు ఆక్రమణ నియంత్రణ చర్యలపై సిద్దిపేట మున్సిపల్ కార్యాలయంలో అధికారులతో సమావేశం జరిగింది. ఈ సందర్భంగా ఆయన మాట్లాడుతూ... పట్టణంలో గల టీఫిన్ సెంటర్ లు,హోటల్ లు ఇతరత్రా వాణిజ్య వ్యాపారులు రోడ్డు వైపుగా వచ్చేలా వేసిన రేకుల షెడ్ లను వెంటనే తొలగించాలని అధికారులను ఆదేశించారు. పుట్ పాత్ లను ఆక్రమించిన ఏర్పాటు చేసిన బోర్డులు, ఫ్లెక్సీలను తొలగించాలన్నారు. వారంలో ఒక రోజు స్పెషల్ డ్రైవ్ నిర్వహించనున్నట్లు తెలిపారు. సమావేశంలో మేనేజర్ శ్రీనివాస్ రెడ్డి, డీఈ ప్రేరణ, టీపీవో దేవరాజు, ఎఈఈ పృథ్వి, శానిటరీ ఇన్ స్పెక్టర్ లు వనిత, మాధవి, ట్రాఫిక్ సీఐ ప్రవీణ్ కుమార్, ట్రాఫిక్ ఎస్ఐ గోపాల్ రెడ్డి తదితరులు పాల్గొన్నారు.