మీ ఇంటి ఆడబిడ్డ నై వచ్చి అడుగుతున్నా గెలిపించండి : పద్మ దేవేందర్ రెడ్డి

దిశ, రామాయంపేట: మెదక్ నియోజకవర్గ బీఆర్ఎస్ పార్టీ ఎమ్మెల్యే అభ్యర్థి పద్మ దేవేందర్ రెడ్డి గురువారం ఎన్నికల ప్రచారాన్ని నిర్వహించారు. రామాయంపేట పట్టణంలో పలు వార్డులు ఇంటింటి ప్రచారంలో భాగంగా ఆమె మాట్లాడుతూ... ఓటు వెయ్యమని మాయ మాటలు చెబుతూ గాలిలో మేడలు కట్టే నాయకులు వస్తుంటారు పోతుంటారు. ప్రజలు ఎవరు ఆ మోసంలో పడవద్దని ఆమె కోరారు. తనని ఒక ఇంటి ఆడబిడ్డల స్వీకరించి తనపై నమ్మకాన్ని ఉంచి కారు గుర్తుపై ఓటు వేసి తనను గెలిపించాలని కోరారు. తెలంగాణ స్వరాష్ట్రం కోసం పోరాడిన వారిని ప్రజలు మరవద్దన్నారు. మరొక అవకాశం ఇస్తే మెదక్ నియోజకవర్గాన్ని మరింత అభివృద్ధి చేసి చూపిస్తానన్నారు. ఈ కార్యక్రమంలో మున్సిపల్ చైర్మన్ పల్లె జితేందర్ గౌడ్, సారాఫ్ యాదగిరి, పలువురు బీఆర్ఎస్ నాయకులు పాల్గొన్నారు.