ఫ్యామిలీ డిజిటల్ కార్డు సర్వే పక్కాగా నిర్వహించాలి : కలెక్టర్ రాహుల్ రాజ్

దిశ, మెదక్ ప్రతినిధి : ఫ్యామిలీ డిజిటల్ కార్డు సర్వే పక్కగా చేయాలని మెదక్ జిల్లా కలెక్టర్ రాహుల్ రాజ్ అన్నారు. మెదక్ మున్సిపల్ పరిధిలోని 20 వార్డులో క్షేత్ర స్థాయిలో సర్వే తీరును పరిశీలించారు. ఈ సందర్భంగా కలెక్టర్ మాట్లాడుతూ.. కుటుంబంలో ఉన్న వ్యక్తుల పేర్లు, జండర్, పుట్టిన తేదీ, వయస్సు, కుటుంబంతో ఉన్న సంబంధం, ఆధార్ నెంబర్, అడ్రస్ తదితర వివరాలన్నీ పక్కాగా నమోదు చేయాలన్నారు. సర్వే చేయడానికి ప్రత్యేకంగా నియమించిన బృందాలు ఇంటింటికి వెళ్లి వివరాలు సేకరించాలన్నారు. మున్సిపాలిటీ పరిధిలో 289 కుటుంబాలు లక్ష్యంగా నాలుగు బృందాలుగా విడిపోయి సర్వే నిర్వహిస్తున్నట్లు తెలిపారు. ఈ కార్యక్రమంలో ఆర్డీవో రమాదేవి తాసీల్దార్ లక్ష్మణ్ బాబు సంబంధిత సర్వే బృందాలు తదితరులు పాల్గొన్నారు.