నారాయణపేట జిల్లాలో విషాదం.. ఉరేసుకుని గుర్తు తెలియని వ్యక్తి ఆత్మహత్య

దిశ, నారాయణపేట క్రైం: ఉరేసుకుని గుర్తు తెలియని వ్యక్తి ఆత్మహత్యకు పాల్పడిన ఘటన నారాయణపేట జిల్లా కేంద్రంలోని యాదగిరి రోడ్డులో గల ఎం‌బీ‌సీ చర్చి వద్ద చోటుచేసుకుంది. అయితే, ఉరేసుకున్న వ్యక్తి వయసు సుమారు 60 కి పైగా ఉంటుందని పోలీసులు అంచనా వేస్తున్నారు. వ్యక్తికి తల, ఛాతీ భాగం మచ్చలు ఉన్నాయి. మృతుడు లుంగీ కింది భాగంలో చించి తాడు‌లా మార్చి చెట్టుకు ఉరేసుకుని ఆత్మహత్య చేసుకున్నట్లుగా ప్రాథమికంగా తెలుస్తోంది. పోలీసులు ఘటనా స్థలానికి చేరుకుని వివరాలు సేకరిస్తున్నారు. మృతుడిని ఎవరైనా గుర్తు పడితే వెంటనే నారాయణపేట పోలీసులు సంప్రదించాలని కోరారు.