Junior lecturers : కల్వరాల గ్రామం నుంచి ముగ్గురు జూనియర్ లెక్చరర్ గా ఎంపిక

దిశ, వీపనగండ్ల: మండల పరిధిలోని కల్వరాల గ్రామం నుంచి ముగ్గురు జూనియర్ లెక్చరర్స్ గా ఎంపిక కావడం పట్ల వారి వారి తల్లిదండ్రులు, గ్రామస్తులు హర్షం వ్యక్తం చేశారు. రైతు కుటుంబాలకు చెందిన ముగ్గురు ప్రభుత్వ ఉద్యోగాలు పొందడం పట్ల సంతోషపడుతున్నారు. గ్రామానికి చెందిన లక్ష్మయ్య మంగమ్మల కుమారుడు రాముడు కెమిస్ట్రీ జూనియర్ లెక్చరుగా, శ్రీనివాసులు అనురాధ కుమారుడు భరత్ హిస్టరీ జూనియర్ లెక్చరర్ గా, సల్లేశ్వరం సతీమణి హిమబిందు కామర్స్ జూనియర్ లెక్చరుగా ఎంపికయ్యారు. మండలంలో ఎక్కువగా ప్రభుత్వ ఉద్యోగాలు పొందిన గ్రామంగా కల్వరాల గ్రామం గుర్తింపు పొందగా, ప్రభుత్వం ఎలాంటి ఉద్యోగం నోటిఫికేషన్లు వేసిన గ్రామంలోని యువత ఉద్యోగాలు పొందడం సంతోషంగా ఉందని గ్రామస్తులు ఆనందం వ్యక్తం చేస్తున్నారు.