అంబేద్కర్ ఆశయాలను కొనసాగిద్దాం: ఎమ్మెల్యే రాజేష్ రెడ్డి

దిశ, తిమ్మాజిపేట:అంబేద్కర్ ఆలోచనలను ఆయన ఆశయాలను కొనసాగించాలని ఎమ్మెల్యే రాజేష్ రెడ్డి పిలుపునిచ్చారు. మంగళవారం రోజు మండల కేంద్రంలో ముఖ్య అతిథిగా పాల్గొని అంబేద్కర్ కూడలి వద్ద అంబేద్కర్ విగ్రహానికి పూలమాలలు వేసి నివాళులర్పించారు.ఈ సందర్భంగా ఎమ్మెల్యే మాట్లాడుతూ బడుగు బలహీన వర్గాల ఆశాజ్యోతి అయిన డాక్టర్ బి.ఆర్ అంబేద్కర్ స్ఫూర్తిని తీసుకొని భవిష్యత్తు ఉద్యమాలు జాతి లక్ష్యాల కోసం ప్రతి ఒక్కరికి ఉపయోగపడే విధంగా కృషి చేశారని ఆయన కొనియాడారు.అనంతరం ఇప్పలపల్లి గ్రామంలోని అంగన్వాడి కేంద్ర నూతన భవనాన్ని భూమి పూజ నిర్వహించారు.అదేవిధంగా ప్రైమరీ స్కూల్ విద్యార్థులను ఉద్దేశించి వారి సమస్యలు అడిగి తెలుసుకున్నారు.

ఈ కార్యక్రమంలో తహసీల్దార్ రామకృష్ణయ్య,ఎంపీడీవో లక్ష్మీదేవి,కాంగ్రెస్ పార్టీ మండల అధ్యక్షులు వెంకట్రామిరెడ్డి, రాష్ట్ర నాయకులు శ్రీనివాస్ బహదూర్,జిల్లా యూత్ కాంగ్రెస్ ప్రధాన కార్యదర్శి దానం బాలరాజు, నాయకులు రవీందర్ రెడ్డి,షేక్ ముబారక్,లక్ష్మీనారాయణ,మల్లయ్య గౌడ్,మాధవులు, దేవా స్వామి,హర్షవర్ధన్ రెడ్డి, భాస్కర్ రెడ్డి,మహమ్మద్ షేరు,భాస్కర్ గౌడ్, దామోదర్ రెడ్డి,తదితరులు పాల్గొన్నారు.