మార్కండేయ లిఫ్టు పనులు డిసెంబర్ 15 లోపు పూర్తి చేయాలి : నాగర్ కర్నూల్ ఎమ్మెల్యే

దిశ, బిజినేపల్లి: నాగర్ కర్నూల్ జిల్లా బిజినపల్లి మండలం శాయిన్ పల్లి గ్రామ పరిధిలో ఉన్న మార్కండేయ లిఫ్టు ప్రాజెక్టు పనులను మంగళవారం నాగర్ కర్నూల్ ఎమ్మెల్యే కూచుకుళ్ల రాజేష్ రెడ్డి ఆకస్మికంగా పరిశీలించారు. అనంతరం ఆయన మాట్లాడుతూ రబ్బీ సీజన్లో ఐదు గ్రామాల రైతులు ఈ లిఫ్టు కింద సేద్యం చేసుకోవాలంటే ఈ లిఫ్టు పై ఐదు గ్రామాల ప్రజలు ఆధారపడి ఉన్నారు. ఈ లిఫ్టు పూర్తి అయితే ఆయా గ్రామాల రైతన్నలకు సాగునీరు ద్వారా సస్యశ్యామలం అవుతుందని అన్నారు. అనంతరం ప్రాజెక్టు కాంట్రాక్టర్ తో వివరాలు అడిగి తెలుసుకున్నారు. డిసెంబర్ 15 వరకు ప్రాజెక్టు పూర్తిస్థాయిలో పూర్తవ్వాలని కాంట్రాక్టర్ ను ఎమ్మెల్యే ఆదేశించారు. ఆయనతోపాటు కాంగ్రెస్ నాయకులు మిద్దె రాములు, అమృత్ రెడ్డి, మళ్లీ శెట్టి వెంకట్ స్వామి, నసీర్ ,వట్టెం రామకృష్ణ, ఖలీల్ ,అల్లిపురం వెంకటస్వామి, గోవిందు నాయక్ ,వాలియా నాయక్, గుడ్ల నర్వ బాలస్వామి, బంగారి పర్వతాలు తో పాటు తదితరులు ఉన్నారు.