Thudi Megha Reddy : దీగ్రస్ నియోజకవర్గంలో కాంగ్రెస్ పార్టీదే విజయం

దిశ,వనపర్తి : కాంగ్రెస్ పార్టీ బలపరిచిన మాణిక్ రావు ఠాక్రే అఖండ విజయం సాధిస్తారని వనపర్తి ఎమ్మెల్యే తూడి మెఘా రెడ్డి ఆశాభావం వ్యక్తం చేశారు. మంగళవారం మహారాష్ట్ర రాష్ట్రం,దీగ్రస్ నియోజకవర్గ కాంగ్రెస్ అభ్యర్థి మాణిక్ రావ్ ఠాక్రే నామినేషన్ కార్యక్రమంలో పాల్గొన్న నాగర్ కర్నూల్ పార్లమెంట్ సభ్యులు డాక్టర్ మల్లు రవి,దీగ్రస్ నియోజకవర్గ ఎన్నికల సమన్వయ కర్త గా వ్యవహరిస్తున్న వనపర్తి నియోజకవర్గం ఎమ్మెల్యే తూడి మెఘా రెడ్డి పాల్గొన్నారు.ఈ సందర్భంగా ఎమ్మెల్యే తూడి మెఘా రెడ్డి మాట్లాడుతూ… మహారాష్ట్ర రాష్ట్రంలోని దీగ్రస్ నియోజకవర్గంలో జరుగబోయే శాసనసభ ఎన్నికల్లో కాంగ్రెస్ పార్టీ బలపరిచిన మాణిక్ రావు ఠాక్రే అఖండ విజయం సాధిస్తారని ఆశాభావం వ్యక్తం చేశారు.అందుకు తాము అహర్నిశలు కష్టపడతామని వనపర్తి ఎమ్మెల్యే తూడి మేఘా రెడ్డి పేర్కొన్నారు. కాంగ్రెస్ పార్టీ తనపై విశ్వాసం ఉంచి దిగ్రస్ నియోజకవర్గానికి ఎన్నికల సమన్వయకర్తగా తనను నియమించిందని తనపై ఉన్న నమ్మకాన్ని నిలబెట్టుకుంటానని ధీమా వ్యక్తం చేశారు.