అదృశ్యమైన మహిళ మృతదేహం లభ్యం

దిశ, గద్వాల : జోగులాంబ గద్వాల జిల్లా కేంద్రంలోని బీసీ కాలనీకి చెందిన మహిళ మృతదేహం జమ్ములమ్మ రిజర్వాయర్ సమీపంలో లభ్యమైంది. మృతి చెందిన రాములమ్మ భర్త గోకారి తెలిపిన వివరాల ప్రకారం..బుధవారం మధ్యాహ్నం కుటుంబ కలహాలు ఏర్పడగా..ఇంటి నుంచి అలిగి వెళ్లిపోయిందన్నారు. దీంతో గద్వాల పట్టణ పోలీస్ స్టేషన్ లో ఫిర్యాదు చేశామన్నారు. బంధువులు, స్థానికుల దగ్గర వాకబు చేసినా..ఆచూకీ లభించలేదన్నారు. ఈ రోజు హమాలి కాలనీ సమీపంలోని జములమ్మ రిజర్వాయర్ కాలువలో మృతదేహం లభ్యమైందని తెలిపారు.