40 క్వింటాళ్ల రేషన్ బియ్యం పట్టివేత..

దిశ, పెబ్బేర్ : అక్రమంగా తరలిస్తున్న 40.03 క్వింటాళ్ల రేషన్ బియ్యాన్ని పెబ్బేరు పోలీసులు శుక్రవారం పట్టుకున్నట్లు ఎస్సై జగదీష్ తెలిపారు. అయ్యారుపల్లి, బూడిద పాడు క్రాస్ రోడ్డువద్ద వాహనాల తనిఖీలు నిర్వహించగా కేటి దొడ్డి నుండి కొల్లాపూర్ వైపు బొలెరో వాహనంలో తరలిస్తున్న 40.03 క్వింటాళ్ల రేషన్ బియ్యాన్ని పట్టుకున్నట్లు ఎస్సై తెలిపారు. బియ్యం తరలిస్తున్న వాహనాన్ని పరిశీలించగా డ్రైవర్ దిగి పారిపోవడం, క్లినర్ మాత్రమే ఉండటంతో వాహనాన్ని పోలీస్ స్టేషన్ కు తరలించాలి. ఎంపోర్స్ మెంట్ డీటీ పిర్యాదు మేరకు పరారైన డ్రైవర్ రవి, క్లినర్ రాజు ల పై కేసునమోదు చేసి దర్యాప్తు చేస్తున్నట్లు ఎస్సై తెలిపారు.