15 ఏళ్ల క్రితం కార్మికుడి దుస్తుల్లో KTR.. రేర్ ఫొటో షేర్ చేసిన వర్కింగ్ ప్రెసిడెంట్

దిశ, వెబ్‌డెస్క్ : ట్విట్టర్‌లో ఎప్పుడూ యాక్టివ్‌గా ఉండే కేటీఆర్ 15 ఏళ్ల క్రితం దిగిన ఓ రేర్ ఫొటోను పంచుకున్నారు. ‘థ్రో బ్యాక్ 15 ఏళ్ల క్రితం సింగరేణి సోదరులకు సంఘీభావంగా ఆనాడు నిల్చున్నాను.. వారికి గతంలో కంటే ప్రస్తుతం మా మద్దతు అవసరం’ అని ట్వీట్ చేశారు. ఈ ట్వీట్‌కు సింగరేణి కార్మికుల దుస్తుల్లో తలకు సేఫ్టీ హెల్మెట్ పెట్టుకుని ఓ చేతిలో టార్చ్, మరో చేతిలో కార్మికుని పనిముట్టు పట్టుకుని ఉన్న ఫొటోను కేటీఆర్ జత చేశారు. అయితే ఇటీవల బొగ్గు గనుల అమ్మకాన్ని తీవ్రంగా వ్యతిరేకిస్తున్న కేటీఆర్ ట్విట్టర్ వేదికగా రాష్ట్రంలోని కాంగ్రెస్ సర్కారుపై సీరియస్ అవుతున్న విషయం తెలిసిందే.