కొత్త ఎమ్మెల్సీలకు కౌన్సిల్ చైర్మన్ ట్విస్ట్!

దిశ, డైనమిక్ బ్యూరో: తెలంగాణ శాసనమండలిలో గవర్నర్‌ కోటాలో ఎమ్మెల్సీలుగా కోదండరాం, ఆమీర్‌ అలీఖాన్‌లు నియామకం అయిన సంగతి తెలిసిందే. అయితే ఇవాళ వారు ప్రమాణ స్వీకారం చేయాడానికి వెళ్లారు.ఈ క్రమంలోనే కౌన్సిల్ హాల్‌కు వెళ్లిన కోదండరామ్, అలీ ఖాన్‌కు ఊహించని ట్విస్ట్ ఎదురైంది. తెలంగాణ శాసన మండలిలో చైర్మన్ గుత్తా సుఖేందర్ రెడ్డి లేరు. దీంతో చైర్మన్ కోసం ఎదురుచూస్తున్నారు.

ప్రమాణ స్వీకారం కోసం కౌన్సిల్ హల్‌లో వెయిటింగ్ చేస్తూ వారు తీవ్ర అసహనానికి గురైనట్లు తెలిసింది. అయితే మాజీ సీఎం కేసీఆర్ ఒత్తిడి మేరకు ప్రమాణం చేయించేందుకు చైర్మన్ ఆలస్యం చేస్తున్నారని కాంగ్రెస్ పార్టీ వర్గాలు ఆరోపిస్తున్నాయి. కాగా, చైర్మన్ అనారోగ్య సమస్య వల్ల రాలేకపోయారని, దీంతో వారు రేపు ప్రమాణ స్వీకారం కార్యక్రమానికి రానున్నట్లు తెలిసింది.