Collector Muzamil Khan : అన్ని రంగాల్లో మహిళలు ముందుండాలి

దిశ,ముదిగొండ: మండల కేంద్రంలోని మిట్టగూడెం పాఠశాలలో సోమవారం వివో సభ్యులతో మహిళా శక్తి పై సమావేశం నిర్వహించారు. ఈ కార్యక్రమానికి ఖమ్మం జిల్లా కలెక్టర్ ముజామిల్ ఖాన్ పాల్గొన్ని మహిళలతో పాటు క్రింద కూర్చొని మహిళలు నిర్వహించబోయే యూనిట్ల గురించి మహిళలకు యూనిట్ల పై ఉన్న అవగాహనా అడిగి తెలుసుకున్నారు. తర్వాత యూనిట్ల కచ్చితంగా మహిళలకు అవగాహన ఉండాలి అని,సరైన అవగాహన లేకపోతే యూనిట్లలో నష్టపోయే అవకాశం ఉంటుంది అని అన్నారు.

మహిళలు ఆర్ధికంగా ఎదగాలని సూచించారు.ఈ రోజు రాఖీ పౌర్ణమి కావడంతో సమావేశంలో ఉన్న మహిళలకు కలెక్టర్ కు రాఖీలు కట్టి,మిఠాయిలు తినిపించారు. కలెక్టర్ వారికి కృతజ్ఞతలు తెలియజేశారు. ముదిగొండ సిపిఎం గ్రామ కమిటీ ఆధ్వర్యంలో గ్రామాల్లో ఉన్న పలు సమస్యలపై వినతిపత్రలు అందించారు. వారికీ సానుకూలంగా కలెక్టర్ స్పందించారు.ఈ కార్యక్రమంలో జిల్లా అధికారులు,మండల స్థాయి అధికారులు పాల్గొన్నారు.