అండర్ 17 బాలికల కోకో పోటీలు ప్రారంభం

దిశ, కల్లూరు : ఖమ్మం జిల్లా పాఠశాలల క్రీడా సమైక్య, జిల్లా విద్యాశాఖ ఆధ్వర్యంలో అండర్ 17 బాలికల కోకో పోటీలు శనివారం కల్లూరు క్రీడా ప్రాంగణంలో ప్రారంభించారు. క్రీడాకారుల ఎంపిక ఈ నెల 10వ తేదీ వరకు కొనసాగనుంది. ఈ పోటీలలో మొత్తం 20 లీగ్ మ్యాచ్లు, 4 నాకౌట్ మ్యాచ్లు నిర్వహించి ఎంపికైన వారిని తెలంగాణ రాష్ట్రం తరపున ఉత్తరప్రదేశ్ రాష్ట్ర అయోధ్యలో జరిగే జాతీయస్థాయి పోటీలకు పంపనున్నారు. ఈ పోటీలకు గాను 120 మంది క్రీడాకారులు హాజరయ్యారు. ఈ కార్యక్రమంలో మండల విద్యాశాఖ అధికారి పత్తిపాటి నివేదిత ముఖ్యఅతిథిగా హాజరు కాగా , వివిధ మండలాల నుంచి వ్యాయామ ఉపాధ్యాయులు, క్రీడాకారులు పాల్గొన్నారు.