తెలుగుదేశం మద్దతు కోరిన కాంగ్రెస్

దిశ, భద్రాచలం : తెలంగాణాలో జరగనున్న ఎన్నికలలో టీడీపీ పోటీచేయదని ఆ పార్టీ జాతీయ అధ్యక్షులు చంద్రబాబు నాయుడు స్పష్టం చేసిన కారణంగా, తెలుగుదేశం పార్టీ భద్రాచలం కాంగ్రెస్ అభ్యర్థి వీరయ్యకు మద్దతు ఇవ్వాలని పీసీసీ సభ్యులు బుడగం శ్రీనివాస్ కోరారు. 2018 ఎన్నికలలో కలిసి పోటీ చేసి విజయం సాధించామని, ఆ విజయంలో టీడీపీ భాగస్వామ్యం ఉందని అన్నారు. భద్రాచలం బీఆర్ఎస్ నాయకులు స్థానికత అంటూ ప్రచారం నిర్వహించడం విడ్డూరంగా ఉందని, గత ఎన్నికలలో గుర్తుకు రాని స్థానికత ఇప్పుడు ఎందుకు గుర్తుకు వచ్చిందని ఏద్దెవా చేశారు. గత ఎన్నికలలో 13 రోజుల ముందు భద్రాచలం వచ్చి ప్రచారం ప్రారంభించిన వీరయ్యను ప్రజలు గెలిపించిన సంగతి మర్చిపోవద్దని పేర్కొన్నారు.