మీసేవ కేంద్రాల ఏర్పాటుకు దరఖాస్తులు ఆహ్వానం

దిశ, మయూరి సెంటర్: ఖమ్మం జిల్లా వ్యాప్తంగా వివిధ పట్టణ, గ్రామీణ ప్రాంతాల్లో 25 కొత్త మీ సేవ కేంద్రల ఏర్పాటుకు దరఖాస్తులు ఆహ్వానిస్తున్నట్లు జిల్లా కలెక్టర్ వీపీ గౌతమ్ ఒక ప్రకటనలో తెలియజేశారు. దరఖాస్తులను మార్చి 11 నుంచి 15 వరకు కలెక్టర్ కార్యాలయం, పరిపాలన అధికారి వద్ద సమర్పించాలని కోరారు. దరఖాస్తు చేసుకునే అభ్యర్థి డిగ్రీ పాసై, కంప్యూటర్‌లో పీజీడీసీఏ సర్టిఫికెట్ కలిగి ఉండాలని తెలిపారు. 18 నుంచి 35 సంవత్సరాలు కలిగిన అభ్యర్థులు అర్హులని తెలిపారు. మరిన్ని వివరాలకు http://khammam. Telangana.government.in లో నోటిఫికేషన్ ద్వారా పొందుపరిచినట్లు తెలిపారు.