కుక్కల దాడిలో 10 గొర్రెల పిల్లలు మృతి

దిశ,కారేపల్లి : కారేపల్లి లో కుక్కల దాడులతో కాపర్లు బెంబేలెత్తుతున్నారు. వారం రోజుల్లో మూడు సార్లు గొర్రెల దొడ్లపై దాడులు చేసి గొర్రెల ప్రాణాలు తీస్తున్నాయి. సోమవారం రాబోత్‌ రమేష్‌ కు చెందిన గొర్రెల దొడ్డిలోకి చొరబడిన కుక్కలు దొడ్డి లో ఉన్న 10 గొర్రె పిల్లలను చంపి వేసాయి. శనివారం రాత్రి జరిగిన యర్నాగి సతీష్‌కు చెందిన 8 గొర్రెలు కుక్కల దాడిలో మృతి చెందాయి. 10 రోజుల క్రితం జంగా మధుకు చెందిన 21 శాల్తీలను కుక్కలు చంపివేశాయి. కుక్కల దాడులతో గొర్రెల కాపరులు ఆందోళన చెందుతున్నారు. తమ శాల్తీలకు కుక్కల రక్షణ కల్పించాలని డిమాండ్‌ చేస్తూన్నారు. వరుసగా కుక్కలు దాడులు చేస్తున్న అధికారులు పట్టించుకోవడం లేదని ఆరోపిస్తున్నారు. చనిపోయిన జీవాలకు పరిహారం అందించాలని బాధితులు డిమాండ్‌ చేస్తున్నారు.