ప్రమాదవశాత్తు చెరకు పంట దగ్ధం(వీడియో)

దిశ, రాయికల్: ప్రమాదవశాత్తు నిప్పంటుకుని చెరకు పంట దగ్ధం అయిన ఘటన రాయికల్ మండలం ఇటిక్యాలలో చోటు చేసుకుంది. ఇటిక్యాలలో గుర్తుతెలియని వ్యక్తులు వరి గడ్డికి నిప్పు పెట్టడంతో అది కాస్త రైతు నారాయణరెడ్డికి చెందిన చెరకు పంటకు అంటుకోవడంతో సుమారు మూడు ఎకరాలకు పైగా చెరుకు పంట అగ్నికి ఆహుతి అయింది. ఈ ప్రమాదంలో సుమారు మూడు లక్షల రూపాయల వరకు పంట నష్టపోయానని, ప్రభుత్వం తక్షణమే స్పందించి తనను ఆదుకోవాలని రైతు నారాయణరెడ్డి ఆవేదన వ్యక్తం చేశాడు.