తెలంగాణ సాంస్కృతిక సారధి ఆధ్వర్యంలో ప్రజాపాలన.. ప్రజా విజయోత్సవ వేడుకలు..

దిశ, కరీంనగర్ రూరల్ : రాష్ట్ర ప్రభుత్వం ఏర్పడి సంవత్సర కాలం పూర్తవుతున్న సందర్భంగా తెలంగాణ సాంస్కృతిక సారధి ఆధ్వర్యంలో ప్రజా పాలన, ప్రజా విజయోత్సవ వేడుకలను కరీంనగర్ మండలం ఇరుకుల్ల, ముగ్ధంపూర్, బొమ్మకల్, దుర్శేడ్ గ్రామాలలో దుర్గం మురళి టీం కళాకారుల బృందం నిర్వహించింది.

ఈ కార్యక్రమాల ద్వారా ప్రభుత్వం విజయవంతంగా పూర్తి చేసిన సంక్షేమ పథకాల పట్ల ప్రజలను అవగాహన పరుస్తున్నారు. ఈ నెల 19వ తేదీన మొదలుకొని డిసెంబర్ 7 వరకు పల్లె పల్లెనా కళాకారుల మోత మోగనుందని కళాకారుల బృందం తెలిపారు. ఈ కార్యక్రమంలో కళాకారులు వొళ్ళల వాణి, ఎర్రవెల్లి శంకర్, పుల్ల శంకర్, శ్రీకాంత్, తిరుపతి, అర్చన, సంధ్య, సౌమ్య, రాధా, ఇరుకుల్ల కార్యదర్శి సంతోష్, గ్రామస్తులు, తదితరులు పాల్గొన్నారు.