పిడుగు పాటుకు వ్యక్తి మృతి

దిశ, జగిత్యాల ప్రతినిధి/మల్యాల: మల్యాల మండలంలో ముత్యంపేట (కొండగట్టు) చెందిన ముత్యం మల్లేశం గౌడ్ (55)పిడుగు పాటుకు గురై మృత్యువాత పడ్డాడు. దిగువ కొండగట్టులోని పెట్రోల్ పంప్ ఎదుట తాటి చెట్టు కింద కూర్చుని ముంజలు విక్రయిస్తున్న క్రమంలో చెట్టుపై పిడుగు పడింది. ఈ పిడుగుపాటు ప్రభావంతో కిందనే ఉన్న మల్లేశం అక్కడక్కడే మృతి చెందాడు.

20 మేకలు మృతి...

ఉరుములు మెరుపుల తో కురిసిన వడగండ్ల వర్షం కారణంగా భీమారం (మేడిపెల్లి) మండలంలోని గోవిందారంలో పిడుగు పడింది. ఈ ప్రమాదంలో గ్రామానికి చెందిన గంగనవేని దేవయ్యకు చెందిన 20 మేకలు మృత్యువాత పడ్డాయి. సుమారు రూ.3 లక్షల రూపాయల విలువ చేసే మేకలు పిడుగు పాటుకు మృతి చెందడంతో దేవయ్య కన్నీటి పర్యంతమయ్యాడు. తనను ప్రభుత్వమే ఆదుకోవాలని వేడుకుంటున్నాడు.