రేషన్ బియ్యంలో ప్లాస్టిక్ బియ్యం... (వీడియో)

దిశ, శంకరపట్నం: ప్రభుత్వం పేద కుటుంబాలకు అందించే రేషన్ బియ్యంలో కల్తీ జరిగి ప్లాస్టిక్ బియ్యం వచ్చాయంటూ ముత్తారం గ్రామస్తులు ఆందోళన చెందుతున్నారు. ఈ సందర్భంగా గ్రామస్తులు మాట్లాడుతూ కరీంనగర్ జిల్లా శంకరపట్నం మండలం ముత్తారం గ్రామంలో ప్రభుత్వం అందించే రేషన్ బియ్యంలో డిసెంబర్ మాసం బియ్యం తీసుకుని ఇంటికి వచ్చి జల్లెడ పట్టగా బియ్యం నుండి చెత్తాచెదారంతోపాటు ప్లాస్టిక్ బియ్యంగా కనిపించడంతో ఆందోళన చెందుతున్నారని గ్రామస్తులు తెలిపారు. ఇప్పటికైనా ఉన్నతాధికారులు స్పందించి పేదలకు అందిస్తున్న రేషన్ బియ్యంలో కల్తీ జరుగుతుందా అనేది క్షేత్రస్థాయిలో విచారణ చేసి సంబంధిత వ్యక్తులపై శాఖ పరంగా చర్యలు తీసుకోవాలని కోరుతున్నారు.