మెట్ పల్లిలో బాలుడి కిడ్నాప్ కలకలం

దిశ,మెట్ పల్లి : జగిత్యాల జిల్లా మెట్ పల్లి పట్టణం లోని దుబ్బ వాడలో రెండేళ్ల బాలుడి కిడ్నాప్ స్థానికంగా కలకలం రేపింది. మెట్ పల్లి పట్టణ కేంద్రంలోని దుబ్బాక వాడలో నివాసముంటున్న లక్ష్మి, రాజుల రెండేళ్ల కుమారుడు శివను గుర్తు తెలియని దుండగులు బైక్ పై వచ్చి ఎత్తుకెళ్లడం స్థానికంగా భయాందోళనకు గురి చేసింది.

అప్పటివరకు బాలుని అక్క అమ్ములు తో కలిసి పక్కనే ఉన్న రెండేళ్ల బాలుడు శివ కిరాణా షాప్ కి వెళ్తున్న సమయంలో అక్కను ఎడమర్చి దుండగులు కిడ్నాప్ చేసినట్లు కుటుంబ సభ్యులు తెలిపారు. సంఘటన స్థలానికి చేరుకున్న పోలీసులు సీసీ టీవీ ఫుటేజ్ లను పరిశీలిస్తున్నారు. సమాచారం అందుకున్న మెట్ పల్లి ఎస్సై రాజు వివరాలను సేకరించే పనిలో పడ్డారు.