కళాకారుడి అద్బుతం.. వాటర్ మిలన్‌పై సీఎం ముఖచిత్రం

దిశ,ఎల్లారెడ్డి పేట : సీఎం రేవంత్ రెడ్డి బర్త్ డే సందర్భంగా వాటర్ మిలన్ పై ముఖచిత్రాన్ని కార్వింగ్ కళాకారుడు కార్వింగ్ చేసి అబ్బురపరిచారు. మండల కేంద్రానికి చెందిన కార్వింగ్ కళాకారుడు శ్యామంతుల అనిల్ సీఎం రేవంత్ రెడ్డి బర్త్ డే నేపథ్యంలో శుక్రవారం రెండు వాటర్ మిలన్ లపై 30 నిమిషాల వ్యవధిలో కార్వింగ్ చేశాడు. గతంలో వివిధ రాజకీయ నాయకుల ఫోటోలు, ఇండియన్ ఆర్మీ నాయకుల చిత్రాలు, రామ మందిరం పున:ప్రతిష్ట సందర్భంగా రామాలయాన్ని అదేవిధంగా పండుగల సందర్భంగా దేవుళ్ల ముఖచిత్రాలను కార్వింగ్ చేసి పలువురి మన్ననలు పొందారు. సీఎం ముఖచిత్రం కార్వింగ్ చేయడం పట్ల కాంగ్రెస్ పార్టీ నాయకులు దొమ్మాటి నరసయ్య, సద్ది లక్ష్మారెడ్డి, వంగ గిరిధర్ రెడ్డి, బండారి బాల్ రెడ్డి, నంది కిషన్, మర్రి శ్రీనివాస్ రెడ్డి, గంట వెంకటేష్ , పందిర్ల లింగం గౌడ్ తదితరులు అభినందించారు.