కరీంనగర్‌లో రోడ్డు ప్రమాదం.. స్పాట్ డెడ్ అయిన వ్యక్తి కోసం పోలీసుల అలర్ట్

దిశ, వెబ్‌డెస్క్: కరీంనగర్‌లో జిల్లాలో రోడ్డు ప్రమాదం జరిగింది. బైకును ఆర్టీసీ బస్సు బలంగా ఢీకొట్టింది. ఈ ప్రమాదంలో ఒక వ్యక్తి అక్కడికక్కడే దుర్మరణం చెందారు. గురువారం మధ్యాహ్నం కేశవపట్నం మండల బస్టాండ్ వద్దనున్న జాతీయ రహదారి వద్ద ఈ ప్రమాదం జరిగింది. స్థానికుల సమాచారంతో విషయం తెలిసిన వెంటనే ఘటనా స్థలానికి చేరుకున్న పోలీసులు క్షతగాత్రులను ఆసుపత్రికి తరలించారు. మృతుడిది కరీంనగర్ జిల్లా శంకరపట్నం మండలం, చింతగుట్ట గ్రామానికి చెందిన సిరిసిల్ల ఆంజనేయుడు(33)గా గుర్తించారు. అనంతరం కేసు నమోదు చేసిన పోలీసులు దర్యాప్తు ప్రారంభించారు. ఈ సందర్భంగా ప్రయాణికులకు పలు సూచనలు చేశారు. అతివేగం ప్రమాదకరమని.. రోడ్డు ప్రయాణించేటప్పుడు ఫ్యామిలీని దృష్టిలో ఉంచుకోవాలని సూచించారు.