లిక్కర్ మహారాణి కవిత మంచి యాక్టర్: జగ్గారెడ్డి షాకింగ్ కామెంట్స్

దిశ, వెబ్‌డెస్క్: తెలంగాణ కాంగ్రెస్ వార్ రూమ్‌పై మంగళవారం రాత్రి సైబరాబాద్ పోలీసులు ఆకస్మిక దాడులు నిర్వహించిన విషయం తెలిసిందే. ఈ ఘటనపై టీ-కాంగ్రెస్ నేత, ఎమ్మెల్యే జగ్గారెడ్డి స్పందించారు. టీ- కాంగ్రెస్ స్ట్రాటజీ రూమ్‌లోని డేటాను ఎత్తుకెళ్లారని ఆయన ఆరోపించారు. తెలంగాణలో కొందరు పోలీసులు సీఎం కేసీఆర్‌కు ఊడిగం చేస్తున్నారని మండిపడ్డారు. కేసీఆర్ ప్రభుత్వ వైఫల్యాలను మేం ప్రశ్నించకూడదా..? అని అన్నారు. లిక్కర్ మహారాణి కవిత మంచి యాక్టర్ అని జగ్గారెడ్డి కీలక వ్యాఖ్యలు చేశారు. సీబీఐని ఏం చేయలేకే కాంగ్రెస్‌పై పడుతున్నారని ఆరోపించారు. తెలంగాణ ఇస్తే కేసీఆర్ రాష్ట్రంలో కాంగ్రెస్సే లేకుండా చేస్తారని.. మేం అవగాహన చేసుకోలేకపోయామని అన్నారు.