Inter Supply Exams 2024: అలర్ట్.. ఇంట‌ర్ స‌ప్లిమెంట‌రీ ప‌రీక్ష‌ల హాల్ టికెట్లు రిలీజ్
ఇంట‌ర్ స‌ప్లిమెంట‌రీ ప‌రీక్ష‌ల‌కు సంబంధించిన హాల్ టికెట్ల‌ను ఇంట‌ర్మీడియ‌ట్ బోర్డు శుక్రవారం విడుదల చేసింది. స‌ప్లిమెంట‌రీ ప‌రీక్ష‌లు రాసే విద్యార్థులు బోర్డు వెబ్‌సైట్ నుంచి హాల్ టికెట్లు డౌన్‌లోడ్ చేసుకోవాలని అధికారులు తెలిపారు.
దిశ, డైనమిక్ బ్యూరో: ఇంట‌ర్ స‌ప్లిమెంట‌రీ ప‌రీక్ష‌ల‌కు సంబంధించిన హాల్ టికెట్ల‌ను ఇంట‌ర్మీడియ‌ట్ బోర్డు శుక్రవారం విడుదల చేసింది. స‌ప్లిమెంట‌రీ ప‌రీక్ష‌లు రాసే విద్యార్థులు బోర్డు వెబ్‌సైట్ నుంచి హాల్ టికెట్లు డౌన్‌లోడ్ చేసుకోవాలని అధికారులు తెలిపారు. హాల్ టికెట్ డౌన్ లోడ్ చేసుకున్న త‌ర్వాత విద్యార్థులు త‌మ ఫొటో, సంత‌కం, పేరు, మీడియంతో పాటు ఏయే స‌బ్జెక్టులు రాస్తున్నామో వాటిని గ‌మ‌నించాలని, వాటిలో ఏవైనా త‌ప్పులు ఉంటే త‌క్ష‌ణ‌మే సంబంధిత కాలేజీ ప్రిన్సిపాల్‌ను సంప్ర‌దించాలని అధికారులు సూచించారు.
ఈ క్రమంలోనే హాల్ టికెట్ల‌పై ప్రిన్సిపాల్స్ సంత‌కాలు లేక‌పోయిన‌ప్ప‌టికీ ప‌రీక్ష రాసేందుకు అనుమ‌తించాల‌ని ఇంట‌ర్ బోర్డు చీఫ్ సూప‌రింటెండెంట్ల‌కు ఆదేశాలు జారీ చేసింది. ఇంట‌ర్ అడ్వాన్స్‌డ్ స‌ప్లిమెంట‌రీ పరీక్షలను ఈ నెల 24 నుంచి జూన్ 3వ తేదీ వ‌ర‌కు నిర్వ‌హించ‌నున్నారు. ఉద‌యం 9 నుంచి మ‌ధ్యాహ్నం 12 గంటల వ‌ర‌కు ఫ‌స్టియ‌ర్ విద్యార్థుల‌కు, మ‌ధ్యాహ్నం 2:30 నుంచి సాయంత్రం 5:30 గంటల వ‌ర‌కు సెకండియ‌ర్ విద్యార్థుల‌కు పరీక్షలను నిర్వ‌హించ‌నున్నారు.
Read More..
జెఈఈ అడ్వాన్స్‌డ్ అడ్మిట్ కార్డులు విడుదల..డౌన్‌లోడ్ లింక్ ఇదే!