దిశ, తెలంగాణ బ్యూరో: స్వప్నలోక్ అగ్ని ప్రమాదం బాధ్యత రాష్ట్ర సర్కారుదేనని, బాధిత కుటుంబాలకు రూ. 50 లక్షలు ఎక్స్ గ్రేషియాతో పాటు ఒకరికి ప్రభుత్వ ఉద్యోగం అందించాలని ఇందిరాశోభన్ డిమాండ్ చేశారు. స్వప్నలోక్ బిల్డింగ్ అగ్ని ప్రమాదంలో క్యూ నెట్ సంస్థలో పనిచేస్తున్న ఆరుగురు టీం లీడర్లు అగ్నికి ఆహుతయ్యారన్నారు. క్యూనెట్ మల్టీ మార్కెటింగ్ మోసానికి గురైన 300 బాధితులకు వారు చెల్లించిన డబ్బులు తిరిగి ఇవ్వాలని ఆమె డిమాండ్ చేశారు. సికింద్రాబాద్ పరిధిలో ఒక్క ఏడాదిలోనే 4 అగ్ని ప్రమాదాల్లో మొత్తం 29 మంది చనిపోయారన్నారు. చనిపోయినప్పుడు మాత్రమే సేఫ్టీ గురించి మాట్లాడి ఆ తర్వాత మరిచిపోతారని రాష్ట్ర ప్రభుత్వంపై విరుచుకుపడ్డారు.