మెట్రోలో భారీగా పెరిగిన ప్రయాణికుల రద్దీ

దిశ, డైనమిక్ బ్యూరో: కర్ణాటకలోని బెంగళూరు ప్రజా రవాణా మెట్రో రైలు మొత్తం పర్పుల్ లైన్‌లో పూర్తి సేవలను ప్రారంభించిన తర్వాత ప్రయాణీకుల సంఖ్య గణనీయంగా పెరిగింది. దీంతో బోగీలు సరిపోక ప్రయాణికులు తీవ్ర ఇక్కట్లు ఎదుర్కుంటున్నారు. కాగా, ఇటీవల ఒక్కరోజే 7 లక్షల మంది మెట్రోలో ప్రయాణించినట్లు అధికారులు తెలిపారు. మెట్రో రోజువారీ బోర్డింగ్ అక్టోబర్ 2న 5 లక్షల నుంచి అక్టోబర్ 9 నాటికి 6.80 లక్షలకు పెరిగిందని బీఎంఆర్‌సీఎల్ వెల్లడించింది. అక్టోబర్ 13న 7.50 లక్షలు; అక్టోబర్ 18న 7.26 లక్షల మంది మెట్రోలో రోజువారీ ప్రయాణికుల సంఖ్య పెరిగింది. అయితే మెట్రో ప్రయాణికులు పలువురు వీడియోలు తీసి సోషల్ మీడియాలో పోస్ట్ చేస్తూ వారి బాధలు చెప్పుకుంటున్నారు. బెంగళూరు మరో ముంబాయి అయ్యిందని సెటైర్లు వేస్తున్నారు.